NATI

NATI

a matribus, ostensi vitis, ad pugnam acrius hôc pactô excitandis, apud Sallustium, ut res magis, quam verba gererentur, liberos parent esque in muris locaverunt. Unde Papinius Statius Theb. l. 10. v. 571.

Ipsae tela viris, ipsae iram animosque ministrant,

Hortanturque unaque ruunt, nec avita gementes

Limina, nec parvos cessant ostendere natos.

Et Silius Italicus l. 12. v. 587.

——— contra Oenotria pubes

Non ullas voces Ducis aut praecepta requirit.

Sat matres stimulant, natique et cara supinas

Tendentum palmas, Lacrimantiaque ora, parentum

Ostentant parvos, vagituque incita pulsan:

Corda virum, armatis infigunt oscula dextris.

Ire volunt, et pro muris opponere densi

Pectora, respectantque suos, flettimque resorbent.

De ritu vero Natos tollendi, quo eos, postquam geniti essent, pro suis agnovêre Patres, aliisque huc pertinentibus, vide Ioann. Bernartium ad Papin. Statium l. 1. Theb. Levinum Torrentium Commentar. ad Sueton. August. c. 6. Io. Savaronem, ad Sidonii Narbonem, Diony s. Gothofredum ad Codicem Iustin. p. 469. Conr. Ritterthusium ad Oppiani Halieut. l. 1. v. 738. A. Tiraquellum Comm. ad L. si unq. C. de Reucc. Donat. Iul. Caes. Bulengerum de Imper. l. 3. Io. Brodaeum Miscellan. l. 4. c. 3. Dan. Vechnerum Hellenolex. l. 2. c. 12. et hic passim. inprimis in vocibus, Filius, Infans, Liberi etc. uti detempore, quo post Patris obitum nati legitimi habehantur, infra ubi de Posthumis.